1in.am-ը գրում է.
Մադրիդի «Ռեալ»-ի նախագահ Ֆլորենտինո Պերեսը հայտարարել է, որ երբեք կասկածի տակ չի առել թիմի գլխավոր մարզիչ Կարլո Անչելոտիի ունակությունները: Հիշեցնենք` իտալացի մասնագետի գլխավորությամբ «արքայական ակումբ»-ը նվաճեց Իսպանիայի գավաթը և Չեմպիոնների Լիգայի գավաթակիր դարձավ:
«Անչելոտիին երբեք հարկավոր չի եղել մտահոգվել իր պաշտոնի համար: Նախորդ մրցաշրջանը հաջողված էր «Ռեալ»-ի համար: Հաղթանակները միշտ էլ բարդ իրավիճակներին լուծում են տալիս: Բայց դա չէ մեր նպատակը: Մենք նախագծեր ունենք, որոնք կյանքի կոչելու համար ժամանակ է պետք:
Կշարունակենք առաջընթաց գրանցել, ինչի համար հանգստություն և ժամանակ է հարկավոր: Անչելոտին հանգիստ մթնոլորտ ստեղծեց թիմում: Դա շատ կարևոր է: Նա ոչ թե կոնֆլիկտներ է ստեղծում, այլ լուծում է տալիս դրանց: Նրան ավելի շուտ էլ թիմի գլխավոր մարզիչ կնշանակեի»,- ասել է Պերեսը: