1in.am-ը գրում է.
Լոնդոնի կայսերական քոլեջի գիտնականները հայտնել են, թե ինչպես լույսից կարելի է մատերիա ստեղծել: Այս մասին ասվում է Nature Photonics ամսագրում հայտնված հոդվածում:
Խոսքն, այսպես կոչված, Բրեյթ-Ուիլերի գործընթացի՝ երկու ֆոտոնների բախման ժամանակ էլեկտրոն-պոզիտրոնային զույգի ստեղծման գործընթացի տեսության մարմնավորման մասին է: Այդ տեսությունը 1934 թվականին ձևավորել են ֆիզիկոսներ Արչիբալդ Ուիլերն ու Գրեգորի Բրեյթը:
Այժմ հաջողվել է կյանքի կոչել տեսական հաշվարկները: Ինչպես հայտնել են հոդվածի հեղինակները, դրա համար նրանցից պահանջվել է մի քանի տասնյակ բաժակ սուրճ և բազմաթիվ անքուն գիշերներ՝ լաբորատորիայում:
Հետազոտողները ստեղծել են ֆոտոնային կոլայդեր, որը կարող է լույսը վերածել մատերիայի: Նման սարքը նոր խոսք կդառնա բարձր էներգիայի ֆիզիկայում և կօգնի գիտակցել գործընթացները, որոնք տեղի են ունեցել տիեզերքի ստեղծումից հետո առաջին 100 վայրկյանում, ինչպես նաև հասկանալու գամմա բռնկումների բնույթը: Գամմա բռնկումներն իրենցից ներկայացնում են պայթյունավտանգ բնույթի էներգիայի մասշտաբային տիեզերական արտանետումներ:
