1in.am-ը գրում է.
Բաքվի Վերաքննիչ դատարանը մերժել է իրավապաշտպան Լեյլա Յունուսի՝ իր տան խուզարկության վերաբերյալ բողոքը: Այս մասին հայտնում է contact.az-ը:
Միևնույն ժամանակ, Նասիմի շրջանային դատարանը հրաժարվել է քննել Բաքվի օդանավակայանում նրան ապօրինի խուզարկելու, Յունուս ամուսինների անձնագրերը վերցրած և նրանց՝ երկրից դուրս գալ արգելած քննիչների անօրինական գործողությունների վերաբերյալ Յունուսի բողոքը:
Դատարանը հիմնավորել է, որ առաջին ատյանի դատարանն իրավասու չէ այդպիսի հարցեր քննել:
Սակայն Արիֆ Յունուսի փաստաբան Հալիդ Բագիրովն ասել է, որ անօրինական գործողություններից բողոքները, որպես կանոն, ընդունվում և քննվում են Բաքվի ծանր հանցագործությունների դատարանում:
Եվս մեկ հայց է ներկայացվել ОАО Unibank-ի դեմ՝ Յունուսին նրա անձնական հաշվի փողը վերադարձնելուց հրաժարվելու կապակցությամբ: