1in.am-ը գրում է.
Ամերիկացի գիտնականներին պարտավորեցրել են կենդանահերձման և այլ փորձարկումների ուղարկել հավասար քանակությամբ էգ և արու լաբորատոր կենդանիների:
Այն ինստիտուտները, որոնք հաճախ կօգտագործեն արուների, կարող են զրկվել դրամաշնորհներից ու ֆինանսավորումից:
Նոր կանոնները, որ ընդունել է ԱՄՆ առողջության ազգային ինստիտուտը (National Institutes of Health), կսկսեն գործել 2014-ի հոկտեմբերից:
Ըստ այդմ՝ գիտնականներին արգելվում է նոր դեղամիջոցներ ու մեթոդներ փորձարկել լաբորատոր արու կենդանիների վրա, ինչպես մինչ այժմ ընդունված էր գիտական ոլորտում՝ գրում է Nature ամսագիրը:
Գիտնականների դժկամությունը՝ օգտագործել էգերին լաբորատոր հետազոտություններում, հաճախ բացատրվում է նրանով, որ էգերի մոտ հաճախ փոխվում է հորմոնալ ֆոնը, ինչը կարող է հանգեցնել սխալների: