Life.panorama.am-ը գրում է.
Արդեն պատրաստ է երգիչ, երգահան Նիկ Եգիբյանի հեղինակած «Մի երկտող» երգը, որը Սոնա Ռուբենյանը կներկայացնի «Նոր ալիք» միջազգային մրցույթում: Այս մասին Life.panorama.am-ին հայտնեց ինքը՝ Նիկը: Վերջինս երգի երաժշտության հեղինակն է, նաև կատարել է գործիքավորումը, իսկ խոսքերի հեղինակը Գայանե Ավետիսյանն է:
«Դա R&B ոճի հայերեն երգ է՝ բարդ վոկալային լուծումներով, ընդամենը մի քանի օրից կուղարկվի Մոսկվա, և եթե ժյուրին հավանի, կընտրվի այդ երգը: Ինձ շատ է դուր եկել Սոնայի կատարումը, կուզենայի հետագայում էլի համագործակցել նրա հետ»,-մեզ հետ զրույցում նշեց Նիկ Եգիբյանը:
Երգիչն իր երկրպագուների համար էլի նորություններ ունի. նրա նոր երգը՝« Does it make sense» անունով, որը ներկայացված է նաև «Ռադիո Վան»-ի երաժշտական մրցանակաբաշխությանը, հուլիս ամսին կունենա իր տեսահոլովակը` նույն երգի հայերեն տարբերակի հիման վրա:
Ամբողջական հոդվածը կարող եք կարդալ այստեղ