Tert.am-ը գրում է.
Դատելով վերջին օրերին ստացվող տեղեկություններից, Նորվեգիայի Տրոմյսո քաղաքում նախանշված այս տարվա շախմատային գլխավոր իրադարձության՝ Օլիմպիադայի կայանալ-չկայանալը մեծ հարցականի տակ է, իսկ համաշխարհային ստուգատեսի կազմակերպումը լրջագույնս խնդրահարույց է։
Այդ ամենն անկեղծորեն խոստովանել և հաստատել է նաև Նորվեգիայի շախմատի ֆեդերացիայի նախագահ Յորան Օլին-Յանսոնը՝ aftenposten.no կայքին տված մեկնաբանությունում։
«Մենք պետք է նայենք ճշմարտության աչքերին. իրավիճակը շատ լուրջ է, ես կասեի՝ դրամատիկ»,-նշել է սկանդինավցի պաշտոնյան։
Երբ 2010 թվականին որոշում ընդունվեց Տրոմսյոյում Օլիմպիադա անցկացնելու վերաբերյալ, Նորվեգիայի կառավարությունը ֆինանսական աջակցություն խոստացավ՝ 75 միլիոն նորվեգական կրոնի չափով, ինչն էլ ամբողջությամբ հատկացվել է այս տարի։ Սակայն, Օլիմպիադայի կազմակերպիչների պնդմամբ, ծախսերն այս չորս տարիների ընթացքում ավելացել են։ Մասնավորապես, քիչ գումար չի ծախսվել նախորդ տարի՝ աշխարհի Գավաթի կազմակերպման վրա։
Ամբողջական հոդվածը կարող եք կարդալ այստեղ