1in.am-ը գրում է.
Սպիտակ տունը լիովին անցնում է արևի էներգիայի կիրառման: Սպիտակ տան տանիքին Ջիմի Քարթերի վարչակազմի ժամանակներից ի վեր առաջին անգամ տեղադրվել են արևային մարտկոցներ՝ գրում է Gazeta.ru-ն:
Սպիտակ տան պաշտոնական ներկայացուցիչ Մեթ Լերիչի խոսքով՝ արևային մարտկոցների տեղադրումը կդառնա Սպիտակ տան էներգետիկ արդիականացման մաս և կնպաստի շենքում էլեկտրաէներգիայի ավելի արդյունավետ օգտագործմանը:
Սպիտակ տունը ոչ միայն լիովին անցում կկատարի արևային էներգիայի կիրառման, այլև կզինվի էներգախնայող սարքավորմամբ:
Արևային մարտկոցների տեղադրման գործընթացը ԱՄՆ նախագահ Բարաք Օբամայի կողմից սկսվել էր դեռևս 2010 թվականին:
Օբամայի վարչակազմը դիտարկում է էներգիայի այլընտրանքային աղբյուրների ակտիվ կիրառությունը որպես կլիմայի գլոբալ տաքացման դեմ պայքարի ծրագրի մաս:
