Ռուսաստանն Ուկրաինայի փաթեթը հետվճարայինից փոխում է կանխավճարայինի

Lragir.am-ը գրում է.

2014 թվականի հունիսից Ռուսաստանն Ուկրաինայի համար գազի մատակարարման կանխավճարային ռեժիմ է հաստատելու, հայտարարել է Ռուսաստանի էներգետիկայի նախարար Ալեքսանդր Նովակը:

Ըստ 2009 թվականին Գազպրոմի և Նաֆտոգազի միջև կնքված պայմանագրի՝ պարտավորությունների չկատարումը հանգեցնում է անցման կանխավճարային մատակարարման համակարգի: Հունիս ամսվա գազի համար Գազպրոմն ուկրաինական կողմին հաշիվ կներկայանցնի մինչև մայիսի 16-ը:

Երեկ լրացել է վերջնաժամկետը, երբ Ուկրաինան պետք է Գազպրոմին մոտ 1.3 միլիարդ դոլար վճարեր ապրիլին մատակարարված գազի դիմաց: Կիևը, սակայն, գազի դիմաց չի վճարել: