Lurer.com-ը գրում է.

Ապրիլի 30-ին ոստիկանության Նոր Նորքի բաժնում հաղորդում էր ստացվել անհայտ անձի կողմից դանակի սպառնալիքով Ավան-Առինջի թիվ 5 հասցեում գործող խանութի դրամարկղից 200.000 դրամ հափշտակելու մասին:

Ոստիկանության Ավանի բաժանմունքի ծառայողների ձեռնարկած միջոցառումների արդյունքում` մայիսի 2-ին, ժամը 09.30-ին, նշված ավազակային հարձակումը կատարելու համար, իր բնակության վայրից բերման է ենթարկվել Կոտայքի մարզի Առինջ գյուղի բնակիչ, 1997 թ. ծնված Ստեփան Ռ.-ն, որը խոստովանել է հանցանքը:

Ձեռնարկվում են միջոցառումներ հանցագործության գործիք դանակը և գողոնը հայտնաբերելու ուղղությամբ:

Ստեփան Ռ.-ն ձերբակալված է: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել