1in.am-ը գրում է.
style.rbc.ru-ն ներկայացնում է աշխարհի մետրոպոլիտեններից մի քանիսը, որոնք հրաշալի են ոչ միայն արտաքին տեսքով, այլև տեխնիկական հագեցվածությամբ:
Ստոկհոլմ
«Սուլնա Սենտրումը» Ստոկհոլմի մետրոպոլիտենի 120 կայարաններից մեկն է, որը կոչվում է նաև Տունելբան: Այդ կայարանի տանիքը ներկված է կարմիր գույնով: Այն 1950-ականներին ձևավորել են նկարիչներ Անդրես Աբերգը և Կառլ-Օլաֆ Բյորը:
Սեուլ
Այն, թերևս, աշխարհի տեխնոլոգիապես ամենաառաջատար մետրոներից է: Այնտեղ միշտ Wi-Fi-ի և 4G-ի միջոցով հասանելի է համացանցը:
Փխենյան
Այս մետրոյի թունելները գտնվում են գետնի տակ` 100 մ խորության վրա, ինչը ռեկորդ է: Մետրոյի պատերին շատ գեղեցիկ որմնանկարներ ու պատկերներ կան:
Մադրիդ
Իսպանական այս քաղաքի մետրոյի կայարաններն այնքան մեծ են, որ այնտեղ երբեմն միջոցառումներ են կազմակերպվում: Իսկ կանգառներից մեկում նույնիսկ հնագիտական թանգարան կա:
Հոնկոնգ
Ինչպես Սեուլում, Հոնկոնգում ևս գնացքներն ավտոմատ են կառավարվում: Ուղևորներն ապահովված են անլար համացանցով: Կայարանի հատակը պատված է հատուկ սալիկներով, որպեսզի կույր մարդիկ կարողանան անարգել մտնել վագոններ:
Շանհայ
Շանհայի մետրոյով անցնում են աշխարհի ամենաարագընթաց գնացքները: Դրանք կարող են զարգացնել մինչև 480 կմ/ժ արագություն:
Բուենոս Այրես
Այս մետրոյի պատերը նկարազարդ են, այն հագեցած է ճարտարապետական լուծումներով, որոնք պատկերացում են տալիս երկրի պատմության մասին:
Գաոսյուն
Թայվանի մետրոպոլիտենի Formosa Boulevard կայարանի The Dome of Light-ը համարվում է աշխարհի ամենամեծ հանրային արվեստի ինստալյացիան:
Նյու Յորք
Նյու Յորքի մետրոյում փակ կայարան կա, որը դադարել է գործել 1945 թվականին:
Պրահա
Պրահայի մետրոյում մի քիչ երկար ժամանակ անցկացնելու դեպքում շուտով օպտիկական պատրանք կստեղծվի և անհասկանալի կլինի՝ որտեղ են պատերն ուռուցիկ, որտեղ՝ փոս ընկած:
Դուբայ
Դուբայի մետրոն շքեղ տեսք ունի: Կայարաններից մեկն իր արտաքին տեսքով հիշեցնում է ստորգետնյա աշխարհ:
Լոնդոն
Սա աշխարհի ամենահին մետրոն է: Այն լուռ է, գնացքների նստելատեղերը՝ փափուկ:
