1in.am-ը գրում է.
Հոլիվուդյան դերասանուհի Շերոն Սթոունը կաթվածի պատճառով հիվանդանոց տեղափոխվելուց հետո առաջին անգամ է հանրության մեջ դուրս գալիս, գրում է Viva.ua-ը:
56-ամյա կինոաստղին լուսանկարել են Բևերլի-Հիլզում։ Նրա հիվանդությունից հետք անգամ չի մնացել: Աստղային գեղեցկուհին առողջ և երջանիկ տեսք ունի, որդու՝ Քուինի հետ զբոսնում է խանութներում:
Շերոնը ցուցադրել է ոչ միայն շլացուցիչ ժպիտը, այլև գեղեցիկ կազմվածքը:
Հիշեցնենք, որ անցած շաբաթ իրենց աղբյուրներին հղում կատարելով, բրազիլական ԶԼՄ-ները գրել էին, որ ամերիկացի դերասանուհին Բրազիլիա է ժամանել ՁԻԱՀ-ից տուժածներին օգնելու նպատակով կազմակերպված բարեգործական ակցիան անցկացնելու համար: Սակայն, ծրագրավորված արարողությունը նա անցկացնել չի կարողացել, քանի որ դերասանուհին ուժեղ գլխացավ է ունեցել, իսկ հիվանդանոց տեղափոխվելուց հետո նրա մոտ կաթված են ախտորոշել:
