Lurer.com-ը գրում է.

Ուկրաինայի կառավարությունը պատրաստվում է ընդդեմ Ռուսաստանի Դաշնության հայց ներկայացնել Հաագայի Միջազգային քրեական դատարան՝ Ղրիմը Ռուսաստանին բռնակցելու մեղադրանքով: Այս մասին հայտնում է UNIAN-ը՝ վկայակոչելով Ուկրաինայի նախագահի թեկնածու, մեծահարուստ գործարար Պյոտր Պորոշենկոյին:

«Ուկրաինայի կառավարությունը Հաագայի Միջազգային քրեական դատարան է պատրաստվում ներկայացնել հայց, որի պատրաստման գործընթացին մասնակցում են եվրոպացի փաստաբանները: Ամերիկացի գործընկերներն այսօր օգնում են ուկրաինացիներին պատրաստել հզոր հայց՝ Ռուսաստանին պատասխանատվության ենթարկելու համար»,-ասել է Պորոշենկոն:

Բացի այդ, Պյոտր Պորոշենկոն նշել է, որ Ուկրաինան կարող է դիմել նաև Ստոկհոլմի արբիտրաժային դատարան՝ գազի մատակարարման գնի հետ կապված:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել