Ուսամա բեն Լադենի կենսագրի դեմ մահափորձ է կատարվել

1in.am-ը գրում է.

Հարավպակիստանյան Կարաչի քաղաքում մահափորձ է կատարվել Geo News ալիքի լրագրող Համիդ Միրի վրա, ով 2001թ. սեպտեմբերի 11-ի ահաբեկչություններից հետո առաջինն է Ուսամա բեն Լադենից հարցազրույց վերցրել: Այս մասին են տեղեկացնում պակիստանյան ԶԼՄ-ները: 

Նրանց տվյալներով՝ մոտոցիկլետներով չորս անհայտ մարդիկ կրակ են բացել լրագրողի մեքենայի վրա այն պահին, երբ նա Կարաչիի օդանավակայանից Geo News-ի գրասենյակ է մեկնել: Արդյունքում լրագրողը հրազենային վնասվածքներ է ստացել: 

Ներկա պահին նա հիվանդանոցում է գտնվում, նրա կյանքին վտանգ չի սպառնում: 

Միրը բեն Լադենից երեք անգամ հարցազրույց է վերցրել: Արդյունքում նա բեն Լադենի մասին կենսագրական գիրք է գրել: