1in.am-ը գրում է.
Ֆրանսիան Ուկրաինային զրահաբաճկոններ կտրամադրի զինծառայողների համար: Ուկրաինայի պաշտպանության նախարարությունից հայտնում են, որ պաշտպանական միջոցները մոտ ապագայում կտրամադրվեն որպես մարդասիրական օգնություն, հայտնում է ՈՒՆԻԱՆ-ը: Այդ մասին այսօր ասել է Ուկրաինայի ԶՈՒ իրային ապահովման վարչության ղեկավարի ժամանակավոր պաշտոնակատար Օլեգ Դովգոլյուկը ճեպազրույցին:
Դովգոլյուկը նշել է, որ այսօրվա դրությամբ կարևոր խնդիր է զինծառայողների զրահապաշտպանությունը:
«Մոտ ժամանակներս, պայմանագրի ստորագրումից հետո, մտածում եմ, մայիսի սկզբին ու ներառյալ հուլիսը այդ խնդիրները կլուծվեն»,- ասել է նա:
Նա նաև նշել է, որ նախարարությունը դիմել է միջազգային կազմակերպություններին, որպեսզի նրանք օգնություն ցուցաբերեն:
«Արձագանքել է Ֆրանսիան: Զրահաբաճկոնները կտրամադրվեն որպես մարդասիրական օգնություն»,- ասել է Դովգալյուկը: