«Բոնսաի» բառը ճապոներենից թարգմանաբար նշանակում է «սկուտեղում աճեցված»: Բոնսաին արվեստի յուրահատուկ ուղղություն է: Դրա հիմնական առանձնահատկությունն այն է, որ արվեստի այս ուղղության հետևորդները փոքր տարաների մեջ այնպիսի մանրակերտ ծառեր են աճեցնում, որոնք արտաքուստ միայն իրենց չափով են տարբերվում սովորական ծառերից: Բոնսաին արդեն մոտ մի դարի պատմություն ունի: Ներկայումս արվեստի այս ճյուղը տարածված է ոչ միայն Ճապոնիայում, այլև աշխարհի բազում երկրներում, այդ թվում՝ Անգլիայում: Քրիս Գիզն Անգլիայի Մեյդենհեդ քաղաքից է: Նա մասնագիտությամբ ինժեներ է, սակայն ներկայումս ավելի շատ ժամանակ է հատկացնում մանրակերտ ծառերի աճեցման աշխատանքներին: Նա հատկապես մեծ ճանաչում ձեռք բերեց այն ժամանակ, երբ իր աճեցրած ծառերի լուսանկարները հայտնվեցին Flickr-ում: Օրերից մի օր նա որոշեց մի այնպիսի նախագիծ սկսել, որը հատկապես շատ դուր կգար Թոլքիենի ստեղծագործությունների երկրպագուներին: Ստորև ներկայացված լուսանկարներում պատկերված են Բիլբո Բեգգինսի, Ֆրոդո Բեգինսի և Սեմուայզ Գեմջիի տունը, որտեղ սկսվում ու ավարտվում են «Մատանիների տիրակալը» ու «Հոբիթը»: Պարզապես հիանում ես՝ տեսնելով, թե ինչ մանրակրկիտ ու տքնաջան աշխատանք է տարել Քրիս Գիզը: Նա ոչ միայն մանրակերտ ծառ է աճեցրել, այլև դրան կից թումբ, ցանկապատ, դարպաս, ծխնելույզ կառուցել: Դրա շնորհիվ էլ այս ստեղծագործությանը նայելիս դիտողների մոտ ակամայից ասոցիացիաներ են առաջանում «Մատանիների տիրակալի» ու «Հոբիթի» հետ:
