Սալվադոր Դալին իսկական հանճար էր` տաղանդավոր գեղանկարիչ, ով տարբերվում էր իր էքսցենտրիկ ու յուրահատուկ ձեռագրով: Քչերն այսօր գիտեն, որ Դալիի մտահղացումով նաև մի ամբողջ զարդերի հավաքածու է ստեղծել: Դալին մանրամասնորեն ստեղծում էր զարդերի գծագրերը, այնուհետև նրա անմիջական հսկողությամբ դրանք պատրաստվում էին արգենտինացի ոսկերիչ Կառլոս Ալեմանի և իր թիմի կողմից: Զարդերի արտադրության մեջ մեծ դեր ուներ նաև ամերիկացի միլիոնատեր Կումինս Քեթերվուդը, ով ֆինանսապես աջակցում էրԴալիի նախագծի իրականացմանը: Ընդհանուր առմամբ, պատրաստվել է 39 զարդ, որոնք տարբեր տարիներին ձեռք են բերվել տարբեր կոլեկցիոներների կողմից ու 1999թ.-ին ի վերջո վաճառվել Սալվադոր Դալիի հիմնադրամին՝ 5.5 միլիոն եվրոյով: Զարդերի պատրաստման մեջ օգտագործվել են ոսկի, պլատին, ռուբիններ, ադամանդներ, սապֆիրներ, տոպազներ, զմրուխտներ, մարգարիտներ և այլն:
 g |
 |
Հավաքածուի ամենատպավորիչ գործը «Թագավորական սիրտն է»: Այն ստեղծված է մաքուր ոսկուց ու զարդարված է 46 ռուբինով, 42 ադամանդով ու երկու զմրուխտով: Աշխատանքի ամենատպավորիչ մասը, սակայն, այն է, որ սա իրական սրտի նման է բաբախում (տե՛ս տեսանյութը):
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
