ArmnewsTV.am-ը գրում է.
71-րդ դպրոցում դասաժամերը խաղաղ են անցնում: Արտաքուստ ու ներքուստ այստեղ ոչինչ չի փոխվել: Միայն թե նախկին 6-ի Բ դասարանի դուռը միշտ բաց է, լսարանը` դատարկ: Տնօրինությունը ստիպված էր լուծարել 6-ի Բ-ն: Դասարանի աշակերտների ծնողները դիմումներ էին ներկայացրել` դպրոցից դուրս գալու և այլ դպրոցներ տեղափոխվելու մասին:
Դասարանում մնացել էր միայն մեկը` Հարություն Ղազարյանը: Հենց նա, որի վարքի դեմ անցած կիսամյակ դասարանի մյուս աշակերտները բողոք էին ներկայացրել, ու հրաժարվել նրա հետ դասի նստել:
Դասընկերներին ծեծելու մեղադրանքին Հարությունն այսպես էր արձագանքել: Դպրոցում այժմ միայն 6-ի Ա դասարանն է մնացել, որում աշակերտների թիվը թույլատրելի առավելագույնն է: Դա էր պատճառը որ այդ դասարան աշակերտները տեղափոխվել չէին կարող:
Գայանե Դեմիրճյանը նշում է, որ դպրոցում միշտ էլ կոնֆլիկտներ լինում են: Երեխաների հետ աշխատանք են տանում մանկավարժներն ու հոգեբանները: Այս մեկը չի հաջողվել հաղթահարել անգամ քաղաքապետարանի հանրակրթության վարչության ու ոստիկանության աշխատակիցների ներգրավմամբ: Չափազանց մեծ էր ծնողների միջամտությունը:
Վերջին դժգոհություններն արդեն նամակների բնույթ են կրում` ուղղված տարբեր ատյաններին: Հարություն Ղազարյանի եղբայրը Արմնյուզի հետ հեռախոսազրույցում նշեց, որ իր եղբայրը հիվանդ է, այդ պատճառով էլ դպրոց չի հաճախում:
Կտեղափոխվի՞ Հարությունն այլ դպրոց թե՞ ոչ: Հարցին եղբայրը պատասխանեց որ կվարվեն այնպես, ինչպես կթելադրի օրենքը:
Տեսանյութը կարող եք դիտել այստեղ
