1 Կանաչ սոխ
Դուք կարող եք վերաճեցնել կանաչ սոխերը՝ դրանց արմատների մոտի մասը մի փոքր ջրով լեցուն բաժակի մեջ դնելով: Այնուհետև հարկավոր է բաժակը տանել լավ լուսավորված սենյակ և որոշ ժամանակ այն պահել այնտեղ:
2 Սխտոր
Երբ սխտորը սկսում է ծլել, այն կարելի է դնել մի փոքր ջրով լեցուն բաժակի մեջ և սխտորի ծիլեր աճեցնել: Դրանք ավելի թույլ հոտ ունեն, քան սխտորը, և կարող են օգտագործվել տարբեր աղցանների և այլ կերակրատեսակների մեջ:
3 Չինական կաղամբ
Չինական կաղամբը կարելի է վերաճեցնել լավ լուսավորված տարածքում՝ դրա արմատը տեղադրելով ջրի մեջ: 1-2 շաբաթ անց այն կարելի է հանել ջրից և տնկել հողով լեցուն տարայի մեջ:
4 Գազար
Գազարի ծայրի մասը դրեք մի փոքր ջրով լեցուն ափսեի մեջ: Դրեք այդ ափսեն լավ լուսավորված սենյակում կամ պատուհանագոգին:
5 Ռեհան
Ռեհանի ցողունները դրեք ջրի բաժակի մեջ և այդ բաժակը տեղադրեք արևի ուղիղ ճառագայթների ներքո: Երբ արմատները մոտ 5 սմ երկար լինեն, դրանք տնկեք կուլաների մեջ: Ժամանակի ընթացքում դրանց մեջ ռեհան կաճի:
6 Նեխուր
Կտրեք նեխուրի ստորին մասը և տեղադրեք այն տաք ջրով լի ոչ խոր թասի մեջ: Այնուհետև արևի տակ դրեք այդ թասը: Տերևները կսկսեն հաստանալ և աճել: Որոշ ժամանակ անց նեխուրը հանեք թասի միջից և այն տեղափոխեք արևի տակ:
7 Հազարաթերթիկ
Հազարաթերթիկի քոթուկները դրեք 1,5 սմ բարձրությամբ ջրի մեջ: Մի քանի օր շարունակ ջրեք դրանք, որպեսզի ջրի մակարդակը չիջնի 1,5 սմ-ից: Մի քանի օրից կհայտնվեն նոր տերևներ ու արմատներ: Այդ ժամանակ կարելի է հազարաթերթիկը տեղափոխել հողի մեջ:
8 Համեմ
Համեմի ցողունները կաճեն, եթե դրանք տեղադրեք մի բաժակ ջրի մեջ: Երբ արմատները բավականաչափ երկար լինեն, տնկեք դրանք հողով լի տարայի մեջ և այդ տարան պահեք լավ լուսավորված սենյակում: Մի քանի ամսից ամբողջական համեմ աճած կլինի:
