1in.am-ը գրում է.

Արժութային միություն Մեծ Բրիտանիայի և Շոտլանդիայի միջև, վերջինիս անկախություն ձեռք բերելու դեպքում, այնուամենայնիվ կկնքվի: Դա կօգնի պահպանելու երկու երկրների տնտեսական կայունությունը: The Guardian-ի հետ հարցազրույցում նման կարծիք է արտահայտել Միացյալ Թագավորության նախարարներից մեկը:

«Մեծ Բրիտանիան ցանկանում է պահպանել Ֆասլեյնի իր բազան, որտեղ գտնվում են Trident միջուկային բալիստիկ հրթիռները, իսկ Շոտլանդիան պնդում է արժութային միության առումով: Պատկերվում են գործարքի ուրվագծերը»,-ասել է բրիտանական կառավարության ներկայացուցիչը:

Նրա խոսքերով` կարելի է խուսափել ֆունտ սթեռլինգից հրաժարվելուց: «Ամենայն հավանականությամբ, արժութային միություն կլինի»,- ասել է բրիտանացի նախարարը, ում անունը չի բարձրաձայնվում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել