1in.am-ը գրում է.

G7-ը կարող է պատժամիջոցներ սահմանել Ռուսաստանի տնտեսության մի շարք ոլորտների դեմ՝ Ուկրաինայի շուրջ իրադրության հետագա լարվածության դեպքում: Այս մասին ասվում է Հաագայում G7-ի առաջնորդների հանդիպման արդյունքներով տարածված կոմյունիկեում՝ փոխանցում է RIA Novosti-ն:

«Մենք պատրաստ ենք ուժեղացնել գործողությունները՝ ներառյալ համակարգված գործողությունները այն ոլորտների դեմ, որոնք զգալի ազդեցություն կունենան ռուսական տնտեսության վրա, եթե Ռուսաստանը շարունակի իրադրության սրումը»,- ասվում է փաստաթղթում:

«Մենք դադարեցնում ենք մեր մասնակցությունը G8-ում այնքան ժամանակ, քանի դեռ Ռուսաստանը չի փոխել քաղաքականությունը, ու չեն վերադարձվել G8-ի ձևաչափում բովանդակալից քննարկման համար պայմանները»,- ասվում է փաստաթղթում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել