1in.am-ը գրում է.

Վենեսուելայի նախագահ Նիկոլաս Մադուրոն հայտարարել է, որ երկրում փողոցային անկարգությունները վերջին ամսվա ընթացքում 10 մլրդ դոլարի վնաս են հասցրել: Այս մասին հայտնում է Reuters գործակալությունը:

«Փոքրամասնությունը, որը ցանկանում է հեղաշրջում կատարել, այնքան շատ վնաս է հասցրել: Նրանք հրկիզել են համալսարանը, որտեղ հարյուրավոր երիտասարդներ էին սովորում»,- ասել է Մադուրոն՝ նկատի ունենալով Վենեսուելայի արևմուտքի ռազմական ուսումնարանը, որը հրկիզել էին ցուցարարները:

«Դա բողոք չէ: Դա բարբարոսություն է: Դա ահաբեկչություն է»,- ընդգծել է պետության ղեկավարը: 

Փետրվարի 12-ից Վենեսուելայում շարունակվող զանգվածային անկարգությունների զոհերի թիվը հասել է 33-ի:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել