Ո՞ր գործոններն են որոշում, թե որքանով է տվյալ երկիրը ցանկալի ապրելու համար:
«Human Development Index»-ի և «Economist Intelligence Unit»-ի անցկացրած հարցումների համաձայն՝ երկրի` ապրելու համար ցանկալի լինելու համար կարևոր գործոններն են անվտանգությունն ու ապահովությունը, կրթությունը, ստացած եկամտի մակարդակը, կյանքից սպասելիքներն ու հեռանկարները:
Կյանքի որակը, իհարկե, կարևոր է, սակայն դա միշտ էլ մարդու անձնական ընկալման հարցը կլինի: Այդ իսկ պատճառով իրական կյանքում այնպիսի գործոնները, ինչպիսիք են կլիման, լանդշաֆտը, մշակույթը, պատմությունը, լեզուն և նույնիսկ ազգային խոհանոցն ու երկրի բնակիչները, հաճախ ազդեցություն են գործում մեր ընտրության վրա, երբ բնակություն հաստատելու համար ինչ-որ այլ երկիր ենք ընտրում:
Այս բոլոր գործոնները հաշվի առնելով` ստորև առանձնացրել ենք Եվրոպայի` ապրելու համար ամենացանկալի ու հարմարավետ երկրները:
1 Նորվեգիա
Դեռ վերջերս Նորվեգիան հայտարարվել էր ապրելու համար ամենահարմարավետ երկիրը աշխարհում, և անցկացված բոլոր հարցումների պատասխանները մշտապես հաստատում են այս երկրի դիրքը որպես այդպիսին: Բացի իր իր գեղեցիկ ու շշմեցուցիչ բնությունից, այս թագավորական երկիրը նաև հայտնի է կոսմոպոլիտ քաղաքներով ու լեռների արանքում ջրերի ափերին գտնվող բնակավայրերով: Քաղաքացիների ապրելակերպը հրաշալի է, առողջապահությունն այստեղ անվճար է, կրթական մակարդակը՝ ամենաբարձրը, դե իսկ երկիրը մեծ զարգացում է ապրում ու հայտնի է իր կայունությամբ:
Ավելին, Նորվեգիայում հասարակության անդամների միջև առկա է հավասարության բարձր մակարդակ, բացի այդ, սա աշխարհի լավագույն վայրերից մեկն է մայրերի համար, քանի որ այստեղ տրվում է 10 ամիս մայրության աշխատանքային արձակուրդ ու ամբողջական վճար: Սակայն սրանք միայն մի քանի դասեր են, որ պետք է սովորենք Նորվեգիայից: Բայց դրա հոյակապ բնությունը, մշակույթը ու ինքնությունը դժվար է կրկնօրինակել:
2 Նիդերլանդներ
Մի երկրում, որտեղ մարդիկ ավելի շատ նախընտրում են հեծանիվները, քան քառանիվ տրանսպորտը, և երեխաներն ավելի երջանիկ են ու առողջ, քան որևէ այլ տեղ, կյանքը չի կարող գեղեցիկ չլինել: Այս ամենն ավելացրեք ժամանակակից, կանաչ քաղաքները ու գյուղական բնակավայրերը: Այստեղ կարևոր դեր են խաղում գյուղատնտեսությունը, լիբերալ, լայնախոհ հասարակությունը, առատ ու բազմաժանր արվեստը ու մշակույթը: Այս ամենի հետ մեկտեղ Նիդերլանդները իր գերազանց դիրքի շնորհիվ մեծ առավելություն ունի, քանի որ այստեղից հեշտությամբ կարելի է մեքենայով ճանապարհորդել հարևան 6 երկիր, այնպես որ, դժվար չէ պատկերացնել, թե ինչու է Նիդերլանդները ապրելու համար լավագույն տեղերից մեկը:
3 Շվեդիա
Այն, որ Շվեդիան «աշխարհի ամենակայուն երկիրն է», մեծ ազդեցություն է թողնում այն մարդկանց որոշման վրա, ովքեր ցանկանում են ապրել ավելի կանաչ միջավայրում ու ավելի առողջ ապրելակերպ վարող երկրում: Այնուամենայնիվ, սա միակ գործոնը չէ, որը մարդկանց ստիպում է տեղափոխվել այստեղ: Օդն այստեղ մաքուր ու թարմ է, բնապատկերները՝ չքնաղ ու այնպիսի տեսքով՝ ասես նորաձևության ամսագրի շապիկի պատկերներ լինեն:
Մաքուր փողոցներում կոկիկ հագնված մարդիկ, հրաշալի դիզայնով հյուրընկալ սրճարաններ ու կյանքով լի արվեստակենտրոն համայնքներ: Բացի վիկինգների ու բնիկ սամինների պատմությունից, այս վայրը հայտնի է նաև իր գերժամանակակից բնույթով, հրաշագեղ բնությամբ ու նորվեգական խոհանոցով, որը վերջերս բավականին մեծ ժողովրդականություն է վայելում:
4 Իռլանդիա
Իռլանդիան կարող է այնքան հարուստ ու էլեգանտ չլինել, ինչպես վերը նշված մյուս վայրերը, այնուամենայնիվ, այն յուրօրինակ գեղեցկություն ունեցող երկիր է` հարուստ մշակույթով, պատմությամբ, կոլորիտով ու բարեհամբույր մարդկանցով: Մարդիկ այստեղ չափազանց ջերմ ու հյուրընկալ են, աշխարհին հայտնի է իռլանդական յուրահատուկ և բազմազան մշակույթը, խորն արմատավորված ֆոլկլորը:
Ավելին, արվեստագետների համար Իռլանդիայում հարկման հատուկ քաղաքականություն է գործում, որի շնորհիվ Իռլանդիան լավագույն վայրն է գրողների, նկարիչների, քանդակագործների ու մյուս արվեստագետների համար: Սա նաև հրաշալի վայր է աշխատելու և թոշակի անցնելու համար, իսկ ծերունական կյանքը կարելի է վայելել գյուղական փառահեղ տարածքներում՝ բնության խաղաղ գրկում:
5 Իսպանիա
Չնայած բոլոր տնտեսական խնդիրներին ու գործազրկության բարձր մակարդակին՝ Իսպանիան դեռևս համարվում է Եվրոպայի` ապրելու համար լավագույն երկրներից մեկը, անկախ նրանից, դուք գումարը ծախսելու համար գեղեցիկ վայր փնտրող մեծահարո՞ւստ եք, թե երկիր այցելած անգլերենի ուսուցիչ: Այնուամենայնիվ, աշխատանք գտնելն այստեղ իսկապես բարդ է:
Այստեղ բնակելի տարածքների ու ուտելիքի գները կտրուկ ցածր են՝ համեմամատած եվրոպական մյուս երկրների հետ, առողջապահական համակարգը շարունակում է մայրցամաքում ամենազարգացածներից մեկը լինել:
Ավելին, Իսպանիան ունի ամեն ինչ` ամբողջ տարվա ընթացքում շողացող արև, հրաշալի լողափեր, շքեղ լեռներ, յուրահատուկ հնաոճ գյուղական բնակավայրեր ու կենդանի քաղաքներ, գերազանց խոհանոց, ուրախ խնջույքներ ու անհամեմատելի մշակույթ ու արվեստվ: Թերևս կարիք չկա նշելու, որ այն լի է հպարտությամբ, ընկերական, ջերմ ու կյանքով լի իսպանացիներով, որոնք ձեզ կոգեշնչեն կյանքն ապրել ամբողջությամբ՝ վայելելով ամեն մի վայրկյանը:
