Սիրելիի հետ յուրաքանչյուր վայրը դրախտ է դառնում: Հանճարեղ ճարտարապետները աշխարհի տարբեր ծայրերում անհավանական գեղեցկության տներ են կառուցում, որտեղ կարելի է անչափ ռոմանտիկ մթնոլորտում անցկանցել սիրահարների տոնը և անմոռանալի հիշողություններ պարգևել միմյանց:
Բրիտանական ամրոց, Քիրկբի-Սթիվեն, Մեծ Բրիտանիա
Իրական վիկտորիանական ոճի 1841թ.-ի ամրոց, 15 հեկտար հող Յորքշիրյան հովտում: Այստեղ Դուք կարող եք վայելել նախաճաշերը և ընթրիքը՝ գեղեցիկ բուխարիի մոտ:
Տուն-խեցի Իսլա-Մուհերեսում, Մեքսիկա
Իսլա-Մուհերեսը յուրահատուկ փոքրիկ կղզի է Կարիբյան ծովում, իրական տրոպիական դրախտ է: Յուրահատուկ տունը նախագծել են ճարտարապետներ Էդուարդո Օկամպոն և նրա եղբայրը: Իսլա-Մուհերեսը իսպաներենից թարգմանաբար նշանակում է «Կանանց կղզի»: Այն այդպես են անվանել իսպանացի ծովագնացները, քանի որ հասնելով կղզի, հայտնաբերել էին կին-աստվածուհիների կավե բազմաթիվ արձանիկներ:
Գեոդեզիական տուն Անդալուսիայում, Իսպանիա
Այս զարմանալի շինությունը վրան չէ, այլ գեոդեզիական տուն է: Այն գտնվում է շատ գեղեցիկ և խաղաղ վայրում, որտեղ Ձեր ուշադրությունը ոչինչ չի շեղում բնության գեղեցկությունից:
Առանձին սենյակ «րիադում», Մարակեշ, Մարոկկո
Արաբերենից թարգմանաբար «րիադը» այգի է նշանակում: Այն իրական մարոկկական տուն է, ներսում ունի այգի, տունը չորսանկյունի տեսք ունի, ինչի շնորհիվ արևի ճառագայթները ներս են թափանցում բոլոր սենյակներ:
Տուն ծառի վրա, Լոս Անջելես
Այսպիսի կառույցներն առավել հայտնի են Կալիֆորնիայում: Տան տերերը որոշել էին ձեռք չտալ որոշ դետալների, այնպես որ, հատակին կարելի է հայտնաբերել ներկի կաթիլներ: Դուք կարթնանաք թռչունների երգի ներքո:
Սիրային բույն, Ակվիտանիա, Ֆրանսիա
Ֆրանսիայում գտնվող այս փայտե տուն-բույնը այնչափ ռոմանտիկ տեսք ունի: Տուն մուտք գործելու համար պետք է հետաքրքրիր փորձության ենթարկվեք: Դուք պետք է սիրելիի հետ մագլցեք անվտանգ ցանցի վրայով: Տան մեջ տաքությունը պահպանում է ոչխարի հաստ մորթու շերտը, որը մտցված է պատի մեջ: Առաստաղին պատուհան կա, որպեսզի սիրելիի հետ կարողանանք վայելել աստղային երկնքի գեղեցկությունը:
Վրան Բելկոմ-Ան-Բոժում, Ֆրանսիա
Ձեզ թափառականներ պատկերացեք, ովքեր հասել են Ֆրանիսա և որոշել են իրենց վրանը կառուցել Ալպերի ստորոտին: Հիանալի վայր է աշխարհից կտրվելու և աշխարհի ամենառոմանտիկ երկրում միմյանց ընկերակցությունը վայելելու:
Նավակ Էյֆելյան աշտարակի մոտ, Փարիզ, Ֆրանսիա
Շատերի համար Ֆրանսիայի մայրաքաղաք ռոմատիկ ճամփորդության գնալը կարող է հասարակ թվալ, բայց եթե մի փոքր զարկ տաք երևակայությանը, ապա այն կդառնա Ձեր կյանքի ամենահիշարժան ճանապարհորդությունը: Սենա գետով սիրելիի հետ զբոսանեք նավակով և հիացեք Էյֆելյան աշտարակով:
Տուն-ֆուրգոն, Ֆրանսիա
Իրական սիրո համար սահմաններ չկան: Ճանապարհորդության մեկնեք ավտոմեքենայով՝ Ձեզ հետ վերցնելով տուն-ֆուրգոն: Դուք բացարձակ այլ տեսանկյունից հնարավորություն կունենաք ծանոթանալու օտար երկրի սովորույթներին և ավանդույթներին:
Գաղտնի տուն, Վենետիկ
Տան մուտքը թաքնված է բոլորի աչքից: Այստեղ Դուք կկարողանանք վայելել Ձեր հանգիստը, պատուհաններից սքանչելի տեսարան է բացվում քաղաքի ջրանցքների վրա, ինչպես նաև կկարողանաք նախաճաշել և ընթրել սեփական տան այգում:
