1in.am-ը գրում է.

Սիրիական զորքերը այսօր Սիրիայի արևմուտքում գրավել են ռազմավարական կարևոր Զարա շրջանը, հայտնում է «Ալ-Մանար» հեռուստաալիքը: 

Այն գտնվում է Հոմս-Տարտուս մայրուղու մոտ՝ նավթա- ու գազատարների հարևանությամբ, որն անցնում է Սիրիայի միջերկրածովյան ափով դեպի նավահանգստային քաղաքներ: 

Զարայի շրջանում օպերացիան իրականացվում էր ավելի քան 1 ամիս: Զինյալների մի մասը երեկ հանձնվել է Սիրիայի բանակային ստորաբաժանումներին: 

Ներկայում սիրիացի զինծառայողները ազգային պաշտպանության հետ համատեղ մարտեր են մղում Խասրաջիա բնակավայրի համար: 

Ապստամբների ձեռքին է դեռ Կրակ դե Շևալյե ամրոցը, որը համարվում է ՅՈւՆԵՍԿՕ-ի մշակութային ժառանգություն:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել