1in.am-ը գրում է.
Սիմֆերոպոլում զինված անձինք հարձակվել են Associated Press գործակալության նկարահանող խմբի վրա՝ հաղորդում է գործակալությունը:
Միջադեպը տեղի է ունեցել հինգշաբթի, երբ AP-ի նկարահանող խումբը տեսախցիկ էր դնում ղրիմյան մայրաքաղաքի ռեստորաններից մեկի վրա՝ արբանյակային կապով ուղիղ եթե հաստատելու համար: Սկզբում նրանց մոտեցել են անծանոթ մարդիկ, պահանջել են հանել սարքերը և լրագրողներին մեղադրել են լրտեսության մեջ:
Այնուհետև դեպքի վայր են ժամանել զինված անձինք, որոնք կտրել են լարերը և իրենց հետ տարել են սարքերը: Գործակալության աշխատակիցներին շենքի մետ պահել են շուրջ երկու ժամ, տուժածներ չկան:
Գործակալության փոխանցմամբ՝ հաջողվել է վերադարձնել տեխնիկայի միայն չնչին մասը: AP-ն տեղի ունեցածի կապակցությամբ մտադիր է իր բողոքը հայտնել Ղրիմի իշխանություններին:
