«Հրապարակ». Արարատի մարզում կադրային փոփոխությունների արդյունքում պաշտոններ են ստանում մարզպետի բարեկամները

«Արարատի նորանշանակ մարզպետ Արամայիս Գրիգորյանի կադրային փոփոխությունները ոմանք ողջունում են, ոմանք՝ մերժում։ 
Հովիկ Աբրահամյանի կադրերին ազատելու փաստը որոշ շրջանակներում մեծ ցնծությամբ է ընդունվել։ Սակայն ոմանք դժգոհ են, որ նոր կադրերի մեջ Գրիգորյանների մերձավորներն են, մասնավորապես մարզպետի օգնական է նշանակվել իր բարեկամ, Աժ ՀՀԿ-ական պատգամավոր Մուրադ Մուրադյանի որդին։

Պատգամավորն անձամբ օգնականի հաստիքը «հեչ բան է համարում և հորդորում մեծ բան չսարքել» դրանից։ «Հա, մարզպետի օգնական, բայց եսիմ ըտենց պաշտոն էլ չի, հա, որ ասում եք»»,–գրում է թերթը։

Մանրամասները՝ թերթի այսօրվա համարում։