1in.am-ը գրում է.

Չինաստանի իշխանությունները կարգելեն բժիշկներին հիվանդներից գումար կամ նվերներ ընդունել: Իշխանության տվյալներով՝ վճիռն ուժի մեջ կմտնի այս տարվա մայիսի 1-ից: Այս մասին փոխանցում է ITAR-TASS-ը:

«Բուժհաստատությունների աշխատակիցները պետք է հոսպիտալացված հիվանդներին ծանոթացնեն փաստաթղթին մեկ օրվա ընթացքում: Հիվանդները պետք է ստորագրեն պարտավորություն՝ բուժաշխատողներին չառաջարկելու հավելյալ դրամական միջոցներ, այլ վճարելու միայն բուժման ծախսերը»,- ասվում է Չինաստանի առողջապահության և պլանային ծննդի հարցերով պետական կոմիտեի փաստաթղթում:

Կոմիտեն այդ քայլին է դիմել բժիշկ-հիվանդ հարաբերությունները պարզեցնելու նպատակով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել