Panorama.am-ը գրում է.
10 տարի առաջ այս օրը` 2004 թվականին, ՆԱՏՕ-ի կողմից, Բուդապեշտում «Գործընկերություն հանուն խաղաղության» ծրագրի շրջանակներում անցկացված անգելերենի ուսուցման կուրսերի ընթացքում, Ադրբեջանը ներկայացնող Ռամիլ Սաֆարովը կացնահարեց հայ սպա Գուրգեն Մարգարյանին:
Հետագայում հունգարական դատարանը ցմահ ազատազրկման դատապարտեց Սաֆարովին, սակայն միջադեպից 8 տարի հետո` 2012 թվականի օգոստոսի 31-ին, հունգարական իշխանությունները վերջինիս էքստրադիցիայի ենթարկեցին:
Դրան հետևեց ադրբեջանական իշխանությունների սպասված քայլը. Իլհամ Ալիևը վերջինիս «ներում շնորհեց», ապա` հերոսի կոչում տվեց: Դրան հետևեց նաև պաշտոնի ու կոչումի բարձրացումն ու վերջին 8 տարիներին չվճարված աշխատավարձի փոխանցումը:
Էքստրադիացիայի գործընթացին հետևեց Հայաստանի որոշումը` կասեցնել դիվանագիտական հարաբերությունները Հունգարիայի հետ:
ԱԺ պատգամավոր, Աֆղանստանի պատերազմի վետերանների միության նախագահ Արմեն Մխիթարյանը Panorama.am-ի հետ զրույցում նշեց, որ Սաֆարովի` ազատության մեջ գտնվելու ու տեղի ունեցածի պատասխանատուները շարունակում են Ադրբեջանի հետ աշխատել այնպես, կարծես ոչինչ տեղի չի ունեցել:
«Ավելին, Հունգարիան խորացրել է հարաբերությունները Ադրբեջանի հետ, ՆԱՏՕն, որի կազմակերպած ծրագրի ժամանակ էր տեղի ունեցել միջադեպետը, սովորականի պես, նույն հարթության մեջ շարունակում է համագործակցությունը Ադրբեջանի հետ», ասաց վերջինս:
Ամբողջական հոդվածը կարող եք կարդալ այստեղ
