Մորթե ժիլետը արդեն մի քանի տարի է՝ չի լքում նորաձև համարվող հագուստների շարքը:
Այն ոչ միայն տաք է, այլև անչափ ոճային: Մորթե ժիլետ կարելի է հագնել աշնան վերջին ամիսներից մինչև գարնան սկիզբ: Այնպես որ, ժամանակը բավականին երկար է, պետք է կարողանալ այն ամեն սեզոնին գեղեցիկ և ճիշտ համադրել այդ սեզոնի հագուստների հետ: Ոճաբանները խորհուրդ են տալիս մորթե ժիլետ գնելիս չկենտրոնանալ գնի վրա: Ավելի շատ պետք է ուշադրություն դարձնել տեսքին, պարտադիր չէ, որ ժիլետը կզաքիսի մորթուց լինի, այն կարող է լինել աղվեսի, ճագարի մորթուց կամ էլ ինչ որ արհեստական մորթուց:
Արհեստական մորթուց ժիլետների այս տարվա նորաձև գույներն են համարվում դեղինը, կանաչը, կապույտը և այլն, բայց ավելի լավ է չհեռանալ ավանդական գույներից:
Թե երկար, թե կարճ մորթե ժիլետները պետք է կրել թեթև, բարակ կտորից վերնաշապիկների կամ զգեստների հետ (շիֆոն, շոլկ): Ինչպես նաև այն կարելի է կրել շորտերի, ջինսերի, մատիտ-կիսաշրջազգեստի և նույնիսկ կարճ կիսաշրջազգեստի (մինի) հետ:
