Օլիմպիական խաղերին նախորդող ժամանակաշրջանում հազարավոր լուսանկարներ են «հորդում» Սոչիից: Այդ լուսանկարները, մեղմ ասած, այնքան էլ հուսադրող չեն. կիսակառույց շինություններ, աղբակույտեր և անմխիթար սանիտարահիգիենիկ պայմաններ: Սակայն մի՛ հավատացեք ձեր տեսած բոլոր լուսանկարներին: Ինչպես և սոցիալական մեդիայում հայտնվող շատ բաներ, այդ լուսանկարներից շատերը ևս բնավ էլ այն չեն, ինչ ներկայացվում են: Դրանց միջոցով արևմտյան լրատվամիջոցները պարզապես ձգտում են խեղաթյուրել իրականությունը և ապատեղեկատվություն տարածել:
1 Սա իրո՞ք զուգարան է Սոչիում:
Առաջին հայացքից այս լուսանկարը, որում պատկերված է պատից այն կողմ մնացած զուգարանի մի մասը, ծիծաղելի շինարարական սխալ է: Սակայն այս լուսանկարը Սոչիից չէ: Այս լուսանկարը նկարվել է առնվազն 6 ամիս առաջ (կամ գուցե շատ ավելի վաղ): Այնքան էլ պարզ չէ, թե ինչ է պատկերված նկարում: Սա արվեստի նախագի՞ծ է: Իսկ գուցե պարզապես ինչ-որ այլ մշակույթում նման ճարտարապետական լուծումներն ընդունված են, թեպետ դրանք հասու չեն մեր ընկալմանը: Միայն մի բան կարող ենք հստակորեն փաստել. այս լուսանկարը առնվազն մի քանի ամսով նախորդում է Սոչիի օլիմպիական խաղերին:
2 Մի՞թե ճաշացանկում իսկապես գրված է «պաղպաղակ հետույքում»:
Այո, ճաշացանկում իրոք գրված է «ice cream in the ass» (թարգմանաբար՝ պաղպաղակ հետույքում), սակայն լուսանկարը արվել է առնվազն 2012 թ.-ին: Դեռ ավելին, այն հազիվ թե Սոչիում նկարված լուսանկար լինի: «Ass» (հետույք) բառն օգտագործվել է ճաշացանկում որպես «assortment» (ասորտիմենտ/տեսականի) բառի կրճատ տարբերակ: Ինտերնետում տարածվել են նաև այնպիսի ճաշացանկերիի նկարներ, որոնցում գրված է «lemonade in the ass» (լիմոնադ հետույքում), «cake in the ass» (տորթ հետույքում) և այլն: Սակայն հարցն այն չէ, որ մարդիկ չեն կարողացել պատշաճ կերպով անգլերեն թարգմանել ճաշացանկի ուտեստները, նրանք պարզապես կրճատել են պաղպաղակի ասորտիմենտ արտահայտությունը և գրել «պաղպաղակի աս.»: Առաջ անցանք:
3 Այս շագանակագույն ջուրը Սոչիի՞ ծորակից է գալիս:
Որոշ լրագրողներ հայտնել են, որ Սոչիի որոշ հյուրանոցներում ջրամատակարարման հետ կապված խնդիրներ կան, և այնտեղի ջուրը խմելու համար պիտանի չէ: Այնուամենայնիվ, այս լուսանկարը Ռուսաստանից չէ: Լուսանկարը նկարվել է ոչ ուշ, քան 2012 թ.-ի ապրիլին: Այն օգտագործվել է ցույց տալու համար, որ Ուկրաինայի ծորակի ջուրը ցածրորակ է:
4 Այս տարօրինակ զուգարանը Սոչիո՞ւմ է գտնվում:
Ասում են, իբրև թե այս լուսանկարը Սոչիից է: Այնուամենայնիվ, ոչ մի վկայություն չկա այն մասին, որ այս լուսանկարը որևէ կապ ունի օլիմպիական խաղերի կամ Սոչիի հետ: Այն լայն տարածում գտավ մի շարք հումորային կայքերում՝ 2013 թ.-ի դեկտեմբեր ամսին:
5 Հանկարծակի հրետակոծության այս նշանը որևէ կապ ունի՞ Սոչիի օլիմպիական խաղերի հետ:
Պարզ չէ, թե որտեղ է դրված այս նշանը, սակայն հստակ է, որ այն ոչ մի կապ չունի Սոչիի օլիմպիական խաղերի հետ: Անվտանգության հարցը խիստ է դրված Սոչիում, սակայն ոչ այնքան խիստ, որ համապատասխան մարմինները հանկարծակի հրետակոծության մասին նախազգուշական նշանները տեղադրեն: «Հանկարծակի հրետակոծություն» գրությամբ նշաններ կարելի է հանդիպել աշխարհի տարբեր ռազմաբազաների մոտ: Դրանք զգուշացնում են մարդկանց, ովքեր այդ վայրերում կարող են հանկարծակի կրակոցներ լսել, որ նրանք վտանգի մեջ չեն:
6 Արդյո՞ք սա օլիմպիական խաղերի մարզիկների համար նախատեսված զուգարան է:
Ոչ, սա Սոչիի ձմեռային օլիմպիադայի մարզիկների համար նախատեսված հասարակական զուգարան չէ, չնայած, որ այս զուգարանը գտնվում է Ռուսաստանում՝ Կազանի Դաշնային համալսարանում: Բազում կատակասերներ ինտերնետում մուտքագրում էին, ասենք, «զուգարաններ, Ռուսաստան» բառերը և որոնման արդյունքում այսպիսի լուսանկարներ էին երևում: Հետագայում նրանք համացանցում նորից տեղադրում էին այդ լուսանկարները և այնպես ներկայացնում, ասես դրանք Սոչիի օլիմիպիական խաղերի համար նախատեսված նոր շինությունների զուգարաններն են:
7 Ի՞նչ կապ ունի այս նշանը Սոչիի օլիմպիական խաղերի հետ:
Ոչ մի: Սա վերջերս նկարված լուսանկար չէ: Ըստ Reuters-ի՝ այն առնվազն մեկ տարի առաջ է նկարվել: Որոշ մարդիկ կապում են այս լուսանկարը Սոչիի օլիմպիական խաղերի հետ, որպեսզի այնպիսի տպավորություն ստեղծեն, որ Սոչին մատնված է չքավորության և պատրաստ չէ օլիմպիական խաղերի անցկացման համար: Գուցե Սոչին իսկապես պատրաստ չէ օլիմպիադայի, սակայն կասկած անգամ չկա, որ Սոչիում օլիմպիական խաղերի այցելուներին այս նշանով չեն ողջունում:
8 Սրանք իսկապես Սոչիի իշխանությունների հրամանով սպանված թափառական շների դիակնե՞ր են:
Մենք դիտավորյալ ծածկել ենք նկարը, քանի որ այն սարսափելի է: Նկարում պատկերված է թափառական շների դիակների կույտ: Ասում են, իբրև շներին սպանել են Սոչիի օլիմպիական խաղերի նախապատրաստական աշխատանքների շրջանակներում: Այո, թափառական շներին հաճախ սպանում են, սակայն այս լուսանկարը, որ լայնորեն տարածված է Facebook-ում և Twitter-ում, Սոչիից չէ: Այս լուսանկարը նկարվել է Ուկրաինայում, 2012 թ.-ին:
