1in.am-ը գրում է.

Շվեդիայի խորհրդարանի պատգամավոր Սթաֆան Դանիելսոնը դատախազներից պահանջում է մի շարք գործողություններ ձեռնարկել Ջուլիան Ասանժի գործի վերաբերյալ: Քաղաքական գործչի կարծիքով՝ դատախազները պետք է հենց իրենք Լոնդոն մեկնեն կամ ուղղակի փակեն գործը: 

Պատգամավորի հետ համաձայն է նաև փաստաբանների ասոցիացիայի գլխավոր քարտուղար Աննե Ռամբերգը: Դատախազները, սակայն, դեռևս մտադիր չեն փակել գործը՝ գրում է RT-ն:

«Մեր ընդհանուր շահերից է բխում հասնել այն բանին, որպեսզի դատախազությունը հանգի որևէ եզրակացության: Դատախազը կամ պետք է մեղադրանք ներկայացնի, կամ փակի գործը: Ջուլիան Ասանժն ինքը դեռևս չի պատրաստվում Շվեդիա ժամանել»,- ասել է պատգամավորը:

Շվեդ իրավաբանները ևս դատախազությանը կոչ են անում որոշում ընդունել այս գործի վերաբերյալ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել