1in.am-ը գրում է.

Բրազիլիայում երեկ տեղի ունեցած էլցանցերի վթարի պատճառով 6 մլն մարդ մնացել է առանց էլեկտրականության: Հոսանքազրկվել են այս ամռանը Ֆուտբոլի աշխարհի առաջնությունն ընդունող Բրազիլիայի 6 նահանգներ՝ Սան Պաուլոն, Ռիո դե Ժանեյրոն, Մինաս Ժերայսը, Պարանան, Ռիու Գրանդի դե Սուլն ու Մատու Գրոսուն: Այս մասին հայտնում է RIA Novosti-ն՝ հղում կատարելով լատինաամերիկյան ԶԼՄ-ներին: 

Երկրի էլեկտրական համակարգի ազգային օպերատորի խոսքով՝ վթարի պատճառը կարճ միացումն էր: Մոտավորապես 1 ժամ անց հաջողվել է կարգավորել խնդիրը: 

Վերջերս Բրազիլիայի էներգետիկայի նախարար Էդիսոն Լոբան հավաստիացրել էր, որ աշխարհի առաջնության ժամանակ Բրազիլիան էլեկտրաէներգիայի պակաս չի զգա: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել