1in.am-ը գրում է.
Ֆրանսիացուն, ով համացանցում տեղադրել է մի տեսանյութ, որտեղ երևում է, թե ինչպես է նա ծաղրուծանակի ենթարկում կատվին, դատի են տվել:
Տղամարդուն մեղադրել են կենդանու հետ դաժան վերաբերմունքի մեջ: Բարեբախտաբար, Օսկար անունով կատուն ողջ է մնացել, սակայն կոտրված են նրա երկու թաթերը:
Դաժան տեսանյութը, որն անցած շաբաթ հեռացրել են YouTube-ից, աղմուկ էր առաջացրել հազարավոր օգտատերերի շրջանում:
Տեսանյութում երևում էր, թե ինչպես է տղամարդը կատվին օդ նետում ու խփում պատին: Կատուն մլավոցով վայր է ընկնում նրանից 4-5 մետր հեռավորության վրա:
Տեսնելով այս կադրերը՝ կենդանասերները կազմել են հայց՝ պահանջելով պատժել կատվատյացին: Մոտ 40 հազար մարդ ստորագրել է փաստաթղթի տակ և ուղարկել Ֆրանսիայի ՆԳՆ-ի ղեկավարին ու արդարադատության նախարարին:
Տղամարդուն հրավիրել են ներկայանալ դատարան փետրվարի 3-ին:
