Tert.am-ը գրում է.
Հայ-հնդկական համագործակցությունը դեղագործական ոլորտում Հայաստանում դեղերի ինքնարժեքի վրա կարող է անդրադառնալ այնքանով, որ եթե դրանք արտադրվեն Հայաստանում՝ գների նվազում կարելի է ակնկալել: Դեղագործական ոլորտում հայ-հնդկական գործարար համաժողովի բացման ժամանակ լրագրողներին այս մասին ասաց Զարգացման հայկական գործակալության գլխավոր տնօրեն Ռոբերտ Հարությունյանը:
Սա հայ-հնդկական երկրորդ համաժողովն է, առաջինը վերաբերում էր տեղեկատվական տեխնոլոգիաներին:
«Հնդկաստանը բավական հայտնի է դեղագործական ոլորտի արտադրությունով: Այն ընկերությունները, որոնք ներկայացված են համաժողովին, արտադրում են շատ խոշոր միջազգային ընկերությունների համար,-ասաց Ռոբերտ Հարությունյանը,–մեր հիմնական նպատակը ոչ այնքան հնդկական դեղամիջոցների ներմուծումն է Հայաստան, այլ տեսնել համատեղ ձեռնարկությունների ստեղծման հնարավորություն: Մեր հնդկացի գործընկերները փորձում են ուսումնասիրել Հայաստանի միջավայրը, շուկան, կարգավորող դաշտը՝ ինչ պայմաններում ենք դեղ արտադրում և ինչ հնարավորություն ունենք հետագա արտահանումն ապահովելու համար»:
Ամբողջական հոդվածը կարող եք կարդալ այստեղ
