Life.panorama.am-ը գրում է.
«Շանթ» հեռուստաընկերության «Հայ սուպերսթար» նախագիծն ի սկզբանե սիրվեց ու գնահատվեց հասարակության կողմից, քանզի այնտեղ հնչում է միայն լավ ձայն և մասնագետի կարծիք… Life.panorama.am-ի այսօրվա հյուրը «Հայ սուպերսթար» 5-ի հաղթող Սոնա Ռուբենյանն է, ով շատերին գրավեց իր գեղեցիկ ու հարթ ձայնով և մշտապես ժպտացող աչքերով…
-Սոնա, հիմա ինչո՞վ եք զբաղված, ի՞նչ գործունեություն եք ծավալում:
-Այս շրջանում մասնակցում եմ մի քանի նախագծերի, որոնցից կնշեմ մասնակցությունս «Արտ Թիմ» ընկերության և «Շարմ Հոլդինգի» «Սիրո Կամուրջ» մյուզիքլին։
-Ի՞նչ կերպարում եք ներկայանալու:
-Գլխավոր հերոսուհու՝ Աննայի դերակատարն եմ, ով բնավորության ինչ-որ գծերով նման է ինձ։ Այս մյուզիքլին մասնակցությունս շատ եմ կարևորում, քանի որ այն շատ մեծ դպրոց է ինձ համար: Աշխատում եմ պրոֆեսիոնալ մարդկանց հետ, ովքեր իրենց գործը շատ լավ գիտեն: Հենց դա է, որ երգչի, դերասանի մոտ մեծ պատասխանատվության զգացում է առաջացնում և թույլ տալիս միանգամից ինտեգրվել այս մեծ ու պրոֆեսիոնալ թիմին։ Այժմ փորձերի եմ մասնակցում, որովհետև փետրվարի 7, 8, 9-ին ունենք ներկայացումներ: Մեծ սիրով հրավիրում եմ բոլորին… Նաև արդեն մի քանի ամիս է «Շանթ» հեռուստաընկերության «Առավոտը Շանթում» ծրագրում ներկայացնում եմ հետաքրքիր մի էջ, որը կոչվում է «Մելոդիկա» . ներկայացնում եմ մի երգի պատմություն… Մասնակցում եմ տարբեր համերգային ծրագրերի, Հանրային հեռուստաընկերության «Երգ Երգոց» հաղորդմանը։
-Չե՞ք պատրաստվում տեսահոլովակ նկարահանել:
-Իհարկե պատրաստվում եմ, նամանավանդ, որ շատ լավ հնարավորություն է ընձեռվել… Վերջերս մասնակցեցի «Շանթ» հեռուստաընկերության «Պրեմիերա» նախագծին։ Հաղթեցի ու մրցանակ ստացա տեսահոլովակի նկարահանում: Այնպես որ, շուտով կսկսենք նկարահանումները…
-Իսկ ո՞ր երգի հիման վրա տեսահոլովակը կլինի:
-«Աշնան սերենադ»…
Ամբողջական հոդվածը կարող եք կարդալ այստեղ
