1in.am-ը գրում է.

ԵՄ արտաքին քաղաքականության և անվտանգության հարցերով գերագույն ներկայացուցիչ Քեթրին Էշթոնը հաջորդ շաբաթ կրկին կայցելի Կիև՝ նպաստելու Ուկրաինայում ճգնաժամային իրավիճակի լուծմանը: 

«Ուկրաինայում տիրող իրավիճակը խորին անհանգստություն է առաջացնում, ԵՄ-ի անունից ես հաջորդ շաբաթ Կիև կվերադառնամ»,- հայտարարել է Էշթոնը՝ փոխանցում է RIA Novosti-ն:

ԵՄ դիվանագիտության ղեկավարը Կիև էր այցելել երեքշաբթի և չորեքշաբթի, բանակցություններ անցկացրել նախագահ Վիկտոր Յանուկովիչի, ընդդիմության և քաղաքացիական հասարակության առաջնորդների հետ:

Ուրբաթ նա Մյունխենում կրկին հանդիպել էր ուկրաինական ընդդիմության առաջնորդների հետ, սակայն կոմյունիկեում չի հստակեցվում, թե կոնկրետ ում հետ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել