Ծնողների հետ վատ հարաբերությունները նպաստում են ճարպակալմանը

1in.am-ը գրում է.

Ծնողների հետ վատ հարաբերությունները նպաստում են ճարպակալմանը. պարզել են ամերիկացի գիտնականները, որոնց հոդվածը հրապարակվել է Journal of Developmental & Behavioral Pediatrics գիտական ամսագրում: 

Նման եզրակացության նրանք եկել են հետազոտության ընթացքում, որին մասնակցել են 427 երեխաներ ու նրանց ծնողները:

Մասնավորապես, գիտնականները պարզել են, որ ընտանիքներում, որտեղ ծնողների ու երեխաների միջև վատ հարաբերություններ են նկատվում, երեխաները տառապում են ճարպակալմամբ: 

Հետազոտողների կարծիքով՝ դա կապված է նրա հետ, որ սթրեսը նպաստում է շատ ուտելուն, ինչպես նաև «բացասական» զգացումները վնասակար մթերքով «ուտելուն»: