Բաղադրությունը
հավ (մոտ 1,7 կգ)-1 հատ,
կարմիր պղպեղ-1 հատ,
շամպինիոն-150 գ,
ռեհան,
ձու-1 հատ (կամ 100-200 գ պանիր),
աղ, պղպեղ,
բուսայուղ,
մեղր-1 ճ. գդ.,
սոյայի սոուս-1 ճ. գդ
Պատրաստման եղանակը
Հավը կտրել այնպես, որ այն տափակ հարթ մակերես ունենա: Ոսկորները հանել, որ մնա միսը կաշվի վրա:
Հավը կտրել այնպես, որ այն ուղղանկյունու ձև ստանա: Այն մասերում, ուր մսի շերտը բարակ է, կրծքամսից կտրած մսի շերտերով լրացնել, հավասարեցնել մնացած մասերին: Համեմել աղով, պղպեղով: Տախտակի վրա բարակ կենցաղային տոպրակ-թաղանթ փռել, դնել հավը, ծածկել մեկ ուրիշ տոպրակով և ծեծել հատուկ մուրճիկով: Սունկերը 4 մասի բաժանել, պղպեղը երկար շերտատել: Տապակել բուսայուղի մե, մինչև փափկեն: Թասի մեջ խառնել տապակած սունկը, պղպեղը, ռեհանը, հարած ձուն, աղ ցանել: Ձվի փոխարեն կարելի է քերած պանիր ավելացնել: Միջուկը դնել հավի մսի կենտրոնում:
Ռուլետի պես փաթաթել սկսած լայն մասից: Տոպրակով փաթաթել, ծայրերը կապել: Ռուլետը թելով կապել կամ փայլաթիթեղով փաթաթել, դնել եռացող ջրով կաթսայի մեջ: Ցածր կրակի վրա եփել 40 րոպե: Հովացնել եփված ռուլետը, տոպրակները հանել, դնել տապակի մեջ, վրան քսել սոյայի սուսի և մեղրի խառնուրդ: Դնել 180 աստիճանի ջեռոցը 15-20 րոպե:
Կարմրելուց հետո հանել, կտրատել, մատուցել իբրև առանձին ուտեստ կամ նախուտեստ:
