Aysor.am-ը գրում է.
«Մեր հարևան երկրում, սառը պատերազմի ազդեցության տակ մնացած ծերունի խորհրդականնների հորդորների արդյունքում, շարունակում է ոչ մի տեղ չտանող ու ոչինչ չասող քարոզչությունը: Իրավիճակը սահմանագծին վերահսկելի է, ԶՈՒ առաջապահ ստորաբաժանումները իրականացնում են իրենց առջև դրված խնդիրները»,- Aysor.am-ի խնդրանքով մեկնաբանելով իրավիճակը հայ-ադրբեջանական սահմանին` հաշվի առնելով այն հանգամանքը, որ Ադրբեջանում անընդհատ լուրեր են շրջանառվում հայկական կողմի մեծ կորուստների մասին, ասաց ՀՀ պաշտպանության նախարարի մամուլի խոսնակ Արծրուն Հովհաննիսյանը:
Նրա խոսքով` ՀՀ ՊՆ-ն գործում է հրապարակային և տեղի ունեցած միջադեպերի մասին օպերատիվ հաղորդագրություններ տարածում:
«Միջադեպերն ու մահվան դեմքերը քողարկելը` Ադրբեջանի պաշտոնական գործելաոճն է, ովքեր անարգանքի են ենթարկում տարբեր միջադեպերում մահացած ադրբեջանցի զինծառայողներին, օրերով սառնարաններում պահում, ապա լրիվ այլ որակումներով հաղորդագրություններ տարածում: Չնայած` զարմանալու շատ բան չկա էլ, ինչպիսին Ադրբեջանի համակարգն է, այնպիսին էլ նրա ՊՆ-ն` զուրկ հրապարակաւյնությունից ու անկեղծությունից»,- նշեց Ա. Հովհաննիսյանը:
