Lurer.com-ը գրում է.

Ինչպես հայտնում է Interfax.az-ը, ԵԱՀԿ Մինսկի խմբի համանախագահները տարածաշրջան կժամանեն հաջորդ շաբաթ: Այս մասին երեկ հայտարարել է Ադրբեջանում Ֆրանսիայի դեսպան Պասկալ Մենյեն:

«Երկու կողմերը պետք է ջանքեր գործադրեն սադրանքներից խուսափելու համար, որոնք հանգեցնում են լարվածության և բարդացնում են խաղաղ գործընթացը: ԵԱՀԿ Մինսկի խմբի համանախագահող երկրներն ամեն ինչ անում են այս ձգձգվող հիմնախնդիրը լուծելու համար»,-ասել է դեսպանը:

Այցի հիմնական նպատակը հակամարտող կողմերի հետ Ղարաբաղյան հակամարտության կարգավորման վերաբերյալ բանակցությունները շարունակելն է: Այս մասին այլ մանրամասներ դեռ չեն հաղորդվում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել