1in.am-ը գրում է.
Յոգայով զբաղվելը հանում է հոգնածությունը և նվազեցնում բորբոքային երևույթները կանանց օրգանիզմում, որոնք հաղթահարել են կրծքի քաղցկեղը, պարզել են ամերիկացի գիտնականները, որոնց աշխատանքը հրապարակված է Journal of Clinical Oncology պարբերականում:
Գիտնականներն ուսումնասիրել են կանանց վիճակը, որոնք առնվազն 3 ամիս, շաբաթական 2 անգամ զբաղվել են յոգայով՝ դրանք համեմատելով քաղցկեղը հաղթահարած հիվանդների հետ, որոնք չեն զբաղվել ֆիզիկական ծանրաբեռնվածությամբ, հայտնում է RIA Novosti-ն:
Արդյունքում՝ դասերի հաճախած կանայք 57%-ով քիչ հոգնած էին զգում իրենց, իսկ բորբոքային պրոցեսները օրգանիզմում 20%-ով քիչ էին:
Հետազոտությանը մասնակցել են միայն այն հիվանդները, որոնք նախկինում չեն պարապել յոգայով:
Օհայոյի համալսարանի մամլո հաղորդագրության մեջ նշվում է, որ հետազոտությունն անցկացվել է 27-76 տարեկան 200 կնոջ շրջանում:
Դա առաջին աշխատանքն է, որը շոշափում է քաղցկեղով հիվանդների ոչ միայն ինքնազգացողությունը, այլև ֆիքսող կենսաբանական ցուցիչները:
