«Բանակում» և «Քաղաքում» սերիալների հերոս Մխոյին ՝ Հովհաննես Դավթյանին, այժմ կարելի է հանդիպել նաև էկրաններից դուրս՝ ակումբային ձևաչափում:
Դերասանը արդեն մեկ տարի է՝ բացի սերիալային կերպարներից իրեն տեսնում է նաև stand-up comedy ժանրում և ամեն շաբաթ ելույթ է ունենում երևանյան ակումբներից մեկում:
« Քանի որ Հայաստանում սթենդ-ափ ժանրը այդքան էլ տարածված չէր, նման ժանրում ներկայանալու միտքը իմ և ընկերոջս՝ սցենարիստ Էդգար Կոստանդյանի մոտ ծնվեց շատ պատահական: Որոշեցինք, որ արժե նաև Հայաստանում այս ժանրը զարգացնել և, ինչու ոչ, փորձել ավելի լուրջ հիմքերի վրա դնել», - ArmStar.am-ի հետ զրույցում ասում է դերասան Հովհաննես Դավթյանը:
Տղաների առաջին փորձը եղել է 2013թ-ի մարտի 8-ին՝ հենց մարտիության թեմայով և հանդիսատեսի դրական արձագանքից հետո որոշել են իսկապես զարգացնել հայկական շուկայում այդ ժանրը:
«Շուտով կլրանա մեր նախագծի մեկ տարին: Իհարկե նայելով հանդիսատեսների կրկնվող դեմքերին՝ կարելի է եզրակացնել, որ ժանրն իսկապես սիրվել է իր բազմաբովանդակ թեմաների և ներկայացման առանձնակի մոտեցման շնորհիվ»,- ասում է նա:
Սկզբում Հովհաննես Դավթյանը շուրջ մեկուկես ժամ ելեւյթ էր ունենում միայնակ, առանց դադարների և ներկայացնում ամենատարբեր թեմաների մասին հումորային համարներ: Բայց քանի որ հիմա շոուն շաբաթական հաճախականությամբ է, և՛ ֆիզիկապես, և՛ ստեղծագործական դժվարությունների առումով նրան օգնության են հասնում ընկերները:
«Քանի որ ծրագիրը մոտ մեկուկես ժամ է տևում, ես և ընկերներս փորձում ենք կես կես ներկայացնել տարբեր հումորային և երաժշտական համարներ՝ դրանով իսկ լրացնելով մեկս մյուսին»:
Շարունակությունը` այստեղ
