1in.am-ը գրում է.

Ադրբեջանական լրատվամիջոցները հայտնում են բանակում որոշ միջադեպերի մասին, որոնց հետևանքով կան վիրավորներ: 

Մասնավորապես, APA գործակալությունը՝ վկայակոչելով Ադրբեջանի ՊՆ մամլո ծառայությանը, հայտնում է, որ շփման գծում տեղակայված N զորամասում 19-ամյա Ռոյալ Ռամիզօղլու Հուսեյնովը անվտանգության կանոնների խախտման արդյունքում ինքն իրեն վիրավորվել է տաբելային զենքից արձակած կրակոցի հետևանքով:

Haqqin.az-ն իր հերթին հաղորդում է, որ շփման գծում վթարի է ենթարկվել զինվորական մեքենա: Վթարի հետևանքով վիրավորվել են Ադրբեջանի ՊՆ N զորամասի երեք զինծառայողներ, որոնք տեղափոխվել են հիվանդանոց: Ադրբեջանի ՊՆ մամլո ծառայությունը հաստատել է այս տեղեկությունը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել