1in.am-ը գրում է.

Իսրայելի իշխանությունները որոշել են դադարեցնել բնակչությանը հակագազ բաժանելու պրակտիկան՝ հաշվի առնելով տարածաշրջանում քիմիական զենքի կիրառման սպառնալիքի զգալի նվազեցումը:

Նախկինում իսրայելցիները, ովքեր վախենում էին հարևան Սիրիայում քիմիական հարձակումներից և հակամարտության միջազգայնացման վտանգից, ժամեր շարունակ հերթ են կանգնել պաշտպանիչ սարքեր ձեռք բերելու համար, որոնք անվճար բաժանվել են փոստային բաժանմունքների միջոցով:

Վախն անհետացել է այն բանից հետո, երբ Սիրիան համաձայնել է քիմիական զենքի պաշարները փոխանցել միջազգային վերահսկողությանը՝ մինչ դրանց ոչնչացումը: Այս մասին հայտնում է RIA Novosti-ն:

Վերջին տվյալներով՝ այժմ հակագազով ապահովված է իսրայելցիների 60 տոկոսը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել