Ընկերանալու համար շատ մարդկանց բավականին ժամանակ է անհրաժեշտ, դե իսկ պատերազմում գտնվելու դեպքում, սա առավել դժվար է ու նույնիսկ անհնար է թվում: Սակայն որքան էլ անհավանական թվա, պատերազմի տարիներին թշնամիների միջև ընկերության իրական պատմություններ են եղել, որոնք էլ կներկայացնենք այս հոդվածում:
5 Ռուսներն ու գերմանացիները միավորվեցին գայլերի դեմ պայքարելու համար
Մինչ Առաջին աշխարհամարտի տարիներին արևելյան ֆրոնտում ռուսներն ու գերմանացիները զբաղված էին միմյանց սպանելով, նոր՝ երրորդ ուժ առաջ եկավ, որի դեմ պետք էր պայքարել: Սովը գայլերին դրդել էր հարձակվել զինվորների վրա, որոնք պարեկություն էին անում կամ հսկողություն իրականացնում խրամատներից:
Ռուսներն ու գերմանացիները գայլերի դեմ սկզբում առանձին-առանձին էին փորձում պայքարել: Նրանք կրակ էին բացում գայլերի վրա, փորձում թունավորել, նռնակներ նետում նրանց վրա, սակայն ոչինչ չէր օգնում, ու նույնիսկ մեկ խմբի սպանելուց հետո հայտնվում էր մյուսը: Ի վերջո, ռուս ու գերմանացի զինվորները դադարեցնում են միմյանց դեմ մարտերը ու միահամուռ ուժերով կենտրոնանում գայլերի դեմ պայքարին, որի արդյունքում նրանց հաջողվում է ազատվել գիշատիչներից:
Այս մասին գրել է «The New York Times»-ը՝ 1917թ.-ի հուլիսի 29-ին լույս տեսած օրինակում:
4 Հրեա կնոջ սիրային կապը գերմանական ուժերի զինվորի հետ
Ծագումով հրեա Էդիթ Հահն Բիի կյանքի սիրո պատմությունը բավականին հետաքրքիր է: Ավստրիայի Վիեննա քաղաքում ծնված Էդիթը իրավաբանություն էր ուսանում, երբ նացիստները իշխանության եկան: Հետապնդումներին շուտով հաջորդեց արտաքսումը, ու Էդիթին զորակոչեցին ստրկության աշխատանքի: Մի տարի անց նա փախավ գնացքով, որը նրան ենթադրաբար պետք է ետ վերադարձներ իր քաղաք: Իր քրիստոնյա ծանոթների օգնությամբ նա բուժքրոջ կերպար է ընդունում ու 1942թ.-ին տեղափոխվում Մյունիխ: Հենց այստեղի արվեստի պատկերասրահում նա հանդիպում է իր ապագա ամուսնուն՝ գերմանական զորքերի սպա Ուերներ Վեթերին: Միայն մեկ շաբաթվա շփումից հետո Վեթերը նրան ամուսնության առաջարկ է անում:
Որոշ ժամանակ Բիրը փորձում էր խուսափել ամուսնանալուց՝ նշելով, թե պատերազմական տարիներին դա այնքան էլ հարմար չէ, սակայն շուտով նա խոստովաում է, որ խուսափելու պատճառն այն է, որ ինքը հրեա է: Իմանալով այդ մասին՝ Վեթերը չի հրաժարվում նրանից ու բացահայտում է իր այն գաղտնիքը, որ երեխա ունի ու պատրաստվում է բաժանվել կնոջից: Նրանք ամուսնացան, ու Բիրը ստանձնեց տնային տնտեսուհու իր դերը: Պատերազմից հետո Վեթերինն տեղափոխեցին աշխատանքային ճամբար: Նրա բացակայության ժամանակ Բիրը վերականգնում է իր հրեական ինքնությունը ու ավարտին հասցնում իրավաբանական ուսումը: Վերադառնալով Վեթերը վրդովվում է կնոջ արարքից ու որոշում բաժանվել նրանից: Հետադարձ հայացք ձգելով՝ Բիրը նույնիսկ համոզված էլ չէր, որ սիրում է Վեթերին, ու ուղղակի իր երախտագիտությունն է հայտնում նրան ու իրեն հանդիպած մյուս մարդկանց, ովքեր օգնել էին իրեն ողջ մնալ:
3 Բրիտանացի ու գերմանացի օդաչուները, որոնք մոլորվել էին վայրի բնության մեջ
Բրիտանական թագավորական նավատորմի ու Լուֆուաֆեի օդաչուները հայտնվել էին մի իրավիճակում, որտեղ պետք է կարողանային պայքարել Նորվեգիայի սառը ու դաժան վայրի բնության մեջ կենդանի մնալու համար: Այս անհավանական դեպքը տեղի է ունեցել 1940թ.-ի ապրիլի 27-ին, երբ բրիտանական երեք կործանիչներ մարտնչում էին գերմանական ռմբակոծչի դեմ: Որոշ ժամանակ անց գերմանական ռմբակոծիչն ու բրիտանական կործանիչներից մեկը ստիպված վթարային վայրէջք է կատարում Գրոտի կոչվող գյուղի տարածքում: Բրիտանացի օդաչուների հրամանատար Ռիչարդ Փարթրիջը ու լեյտենանտ Ռոբերտ Բոստոկը հասան մի խրճիթի, որն օգտագործեցին որպես ապաստարան: Որոշ ժամամնակ անց, նրանց միացան գերմանացի ողջ մնացած օդաչուները: Այս իրավիճակում բրիտանացի հրամանատարն ու գերմանական կործանիչի օդաչու լեյտենանտ Հորստ Սքոփիսը միմյանց ձեռք սեղմեցին, ու բրիտանացիները իրենց աղքատիկ պարենը կիսեցին գերմանացիների հետ: Որոշ ժամանակ անց նրանց որոշեցին միասին մոտակա բնակավայր գնալ՝ սնունդ ու օգնություն գտնելու հույսով:
Դժբախտաբար, այդ վայրով անցնող նորվեգական պարեկայինը պատահաբար սպանում է գերմանացի օդաչուներից մեկին: Սքոփիսը ու մյուս գերմանացի զինվորականները գերեվարվում են, իսկ բրիտանացիներին արտաքսում են Անգլիա:
Պատերազմից հետո՝ 1977թ.-ին, Սքոփիսն ու Բոստոքը նորից հանդիպում են ու խոստովանում, որ երբեք միմյանց որպես թշնամի չեն ընկալել:
Այս մասին գրել է «The Telegraph»-ը՝ 1983թ.-ի նոեմբերի 23-ին լույս տեսած համարում:
2 Իսպանական քաղաքացիական պատերազմի հանդարտ ճակատները
Իսպանական քաղաքացիական պատերազի ընթացքում թե՛ ֆաշիստական, թե՛ հանրապետական իշխանությունները պետք է որ բավականին մեծ ջանքեր թափած լինեին, որպեսզի կարողանային համոզել իրենց կողմնակիցներին պատերազմել միմյանց դեմ: Ինչպե՞ս էին նրանք կարողանալու ստիպել նրանց մարտնչել միմյանց դեմ, երբ նրանք իսկական ընկերներ էին դարձել: Եղբայրության ու իսկական ընկերության բազմաթիվ դեպքեր են տեղի ունեցել իսպանական քաղաքացիական պատերազմի ռազմական ճակատներում: Շատ դեպքերում նրանք ուղղակի ձևացնում էին, թե կռվում են իրար դեմ, մինչդեռ իրականում նրանք չէին ցանկանում միմյանց վնաս հասցնել:
Մի անգամ մի քանի հարյուր հանրապետականներ թերթերով փոխանակվեցին իրենց ֆաշիստ ընկերների հետ: Նրանք միմյանց հաճախակի զգուշացնում էին հարձակումներ իրականացնելու ժամանակ ու նույնիսկ միմյանց հարցնում իրենց հակառակորդ կողմի ծանոթների որպիսության մասին՝ ո՞ղջ է, թե ոչ:
Հենց այսպիսին էին իսպանացիները միմյանց հանդեպ, այնպես որ, օտարերկրացի կամավորները նույնիսկ վատ էին զգում իրենց՝ միմյանց սպանելու անհաջող փորձերի պատճառով:
1 Ավստրալական ու նորզելանդական ուժերի ու թուրքական զորքերի միասնական ճակատը
Առաջին համաշխարհային պատերազմի տարիներին ավստրալիացի զինվորներն օգնեցին թուրքական ուժերին պաշտպանել իրենց դիրքերը արաբներից: Դրանից առաջ ավստրալական ու նորզելանդական ուժերը թուրքերից վերցրել էին Հորդանանի Աման քաղաքը, որի արդյունքում մոտ 5000 մարդ լքել ու փախուստի էր դիմել քաղաքից՝ ճամբարններ հիմնելով Զիզայում: Տեղի արաբները, ովքեր երկար ժամանակ գտնվում էին թուրքական իշխանության տակ, սա հրաշալի հնարավորություն համարեցին վրեժխնդիր լինելու համար, ու սկսեցին շրջապատել թուրքական ճամբարները:
Նրանց թիվը արդեն հասնում էր 10.000-ի ու, բարեբախտաբար, ավստրալական ու նորզելանդական ուժերը, լինելով այդ տարածքում, համաձայնվում են օգնել թուրքերին (որոնք ավելի քան պատրաստ էին հանձնվել ավստրալական ու նորզելանդական զորքերին այդ իրավիճակում) ու պաշտպանել իրենց դիրքերը: Մեկ գիշերվա ընթացքում ավստրալական ու նորզելանդական ուժերի ու թուրքական զորքերի միավորված ճակատը արաբների վրա հակահարձակ է լինում ու ստիպում նրանց փախչել, իսկ արաբներն էլ անիծում էին թուրքերի ու ավստրալական և նորզելանդական ուժերի անսպասելի միավորումն ու համագործակցությունը:
