Նայում էի Պարտադիր կուտակայինի դեմ բողոքի ակցիայի մասին իրազեկող ավտոշքերթի տեսանյութը ու մի տեսակ տխուր զավեշտ էի ապրում՝ տեսնելով, թե ինչպես են երիտասարդ ոստիկանները փութաջանորեն գրանցում մեքենաների համարներն ու գույները: Վախացնում էին էլի, տղերք:
Հետաքրքիր է, այդ ոստիկանները չե՞ն հասկանում, որ այդ ավտոշքերթի մասնակիցները պայքարում են նաև հենց իրենց իրավունքների համար, որպեսզի վաղը, էդ նույն 90-100 հազար դրամ ստացող պեպեէսնիկը սովից չզկրտա ու մի երկու կոպեկ ավել փող առնի:
Մեզ անընդհատ ասում են, որ մեր դժբախտությունները գալիս են նրանից, որ քաղաքացիական հասարակություն ու քաղաքացի չի ձևավորվում: Լավ, ասենք թե համաձայն եմ, բայց այդ դեպքում, ինչո՞ւ մեզ մոտ մլիցեն այդպես էլ ոստիկան չի դառնում, ով առաջին հերթին այլ քաղաքացիների իրավունքները պաշտպանող քաղաքացի է, նոր միայն հրամաններ կատարող կամակատար:
