Irates.am-ը գրում է.
Այսօր «Առավոտ» օրաթերթը լուր էր տպագրել, թե ոստիկանությունը խուզարկել է Գյումրու նախկին քաղաքապետ Վարդան Ղուկասյանի տունը: Լուրը փորձեցինք ճշտել նրանից: Հեռախոսազրույցը ներկայացնում ենք առանց խմբագրման:
-Պարոն Ղուկասյան, ճի՞շտ է մամուլում հրապարակված տեղեկությունը, թե Ձեր տունը խուզարկել են:
-Սուտ է: Ձեր լրատվական կայքերի հերթական անբարո ինֆորմացիան է, որ իմ անձի շուրջ մշտական սարքվում է:
-Ինչո՞ւ են նման լուրերը միշտ Ձեր անվան շուրջ «սարքվում»:
-Չգիտեմ, աղջիկ ջան, չգիտեմ: Հավանաբար էն գեյերն են, որոնք ուզում են իրար հետ ամուսնանալ, իսկ ես խանգարում եմ իմ հոդվածներով: Դրա համար էլ քեն են քշում:
-Բայց լրատվամիջոցներն ի՞նչ կապ ունեն «գեյերի» հետ:
-Դե, մեծամասնությունը լրատվական կայքերում է:
-Ինչո՞ւ եք վիրավորում լրատվամիջոցներին:
-Դուք եք վիրավորում, առավոտից ինչ ասես գլխիս սարքում եք: Էս տասներեք տարի է, հլը դո՞ւք եք վատ զգում: Բայց աղջիկները, մեժդու պրոչիմ, ինձ պիտի պաշտպանեն, թե չէ տունը կմնան: Բա տունը կմնաք, ազիզ ջան, փոխանակ դուք ինձ պոդերժկա անեք, մի բան էլ… Ձեր մասին եմ մտածում:
Ճեպազրույցը` Ռուզան ԽԱՉԱՏՐՅԱՆԻ
