Հայաստանում պետք է ծնվես աշխատանքային փորձով, անգլերենի իմացությամբ ու բարետես

Պարզվում է, որ Հայաստանում եթե ծնվում ես, ապա ծնվելուց առաջ արդեն իսկ պիտի որոշես թե ինչ մասնագիտություն կարող ես ունենալ, ու ծնվածդ օրվանից կյանքի գնով էլ լինի պետք է աշխատանքային փորձ ձեռք բերես: Թե չէ ստացվում է, որ ավարտելուց հետո, եթե ՄԵՋՔ, ծանոթ-բարեկամ, կամ դրամապանակի համապատասխան պարունակություն չունենաս, ապա դժվարությամբ կգտնես աշխատանք: Նույնիսկ հավաքարարի աշխատանքի անցնելու համար պետք է ունենաս.
- Առնվազն 1 տարվա աշխատանքային փորձ
- Հայերենի, ռուսերենի և անգլերենի գերազանց իմացություն
- Լավ տիրապետես համակարգչային գրեթե բոլոր հմտություններին 
- Ու, որն առավել ուշագրավ է, լինես բարետես :)
Այ այստեղ են ասել, - Ալեյ Հոպ, հասանք տեղ :)
Զավեշտալի ու զզվելի է (կներեք բառիս համար): Հոգնեցինք առաջին իսկ նախադասությունից լսելով.
- Իսկ աշխատանքային փորձ ունե՞ք, քանի տարեկան ե՞ք . . . 
Այ մարդ, մեկը չկա հարցնի ի՞նչ գիտես, ի՞նչ չգիտես, գոնե տեսական տարրական գիտելիքներ ունե՞ս . . . Եթե մարդը նոր է ուսումն ավարտել, ապա որտե՞ղից նա պիտի փորձ ունենա: Փորձն էլ հո օժիտի պես բան չի, որ ունենա . . . Հերիք է էլի, փորձ պահանջելուց առաջ նախ մարդու մասնագիտական կարողություններին ծանոթացեք . . .