Նոր` 2014 թվականը, չի կարելի անվանել թեթև: Ձին չի սիրում նրանց, ովքեր լողում են հոսանքի ազդեցության տակ, այնպես որ` ամեն ինչ հեշտ չի տրվելու ձեզ, ձեր կյանքն ինքնիրեն չի դասավորվելու և չի լինելու կատարյալ, ինչպես դուք եք պատկերացնում: ՈՒստի որևէ արդյունքի հասնելու համար հարկավոր է տքնել:
Համառ ու աշխատասեր տիկնայք կպարգևատրվեն իրենց ջանքերի, եռանդուն աշխատանքի դիմաց: 2014 թվականը լիովին համապատասխանում է նրանց, ովքեր պատրաստ են կյանքի կոչել իրենց գաղափարներն ու գտնել դրանց պրակտիկ կիրառումը: Նրանք, ովքեր ցանկանում են մեծ գումարներ աշխատել, ի վերջո, կստեղծեն իրենց բիզնեսը: Ընդհանուր առմամբ, ձիու տարին բարենպաստ է կարիերայի համար. բոլոր ոլորտներում աշխատասեր կանանց սպասվում են աշխատավարձի բարձրացում և խրախուսական պարգևատրումներ: Ամենայն հավանականությամբ, ձեր ֆինանսական վիճակը կբարելավվի, բայց հարկ չկա շտապել` քամուն տալ ողջ գումարը` գնելով ձեզ համար ոչ անհրաժեշտ իրեր: Քանի որ տարվա տիրուհուն դուր չի գալիս իր աշխատանքը թեթևամտորեն ջուրը գցել, ապա նա կարող է վրեժխնդիր լինել:
Ձին պարզ, լայն հայացքով կենդանի է: Նա սիրում է ազատ տարածություն և չի սիրում սահմանափակումներ: Գուցե սկսվող տարում ինչ-որ բան փոխվի ձեր աշխարհընկալման մեջ: Դուք կարող եք դառնալ ավելի հանդուրժող շրջապատի նկատմամբ, կհասկանաք, որ ձեզ թույլատրելի է այն ամենը, ինչը վնասակար չէ ուրիշների համար: Եթե ձեզ համար չլուծված և չպարզաբանված վեճեր կան, և դուք կարծում եք, թե կարող եք դրանք լուծել արցունքներով և ագրեսիայով, չարաչար սխալվում եք. այդ ամենը պետք է անեիք 2013-ին: Ձին տանել չի կարողանում հակամարտությունը: 2014-ը դիվանագիտության և փոխզիջումների տարի է: Եղե´ք ավելի զիջող և խելամիտ:
Հասմիկ ՄՈՎՍԻՍՅԱՆ
