1in.am-ը գրում է.

Անհայտ անձը փորձել է ավտոմեքենայով հաղթահարել Ելիսեյան պալատի դարպասները` հաղորդում է ITAR-TASS-ը:

«Պատահարն իրոք տեղի է ունեցել, սակայն ներկա պահին մենք չենք կարող մանրամասներ հաղորդել»,- նշել են Ելիսեյան պալատում:

Պատահարը տեղի է ունեցել տեղի ժամանակով ժամը 10:30-ին:

ԶԼՄ-ների հաղորդագրությունների համաձայն` ավտոմեքենայի վարորդը մոտեցել է դարպասներին` Ելիսեյան դաշտերի կողմից և մեքենայով մխրճվել է դարպասների մեջ: Ճաղավանդակները նկատելի վնաս չեն կրել, քանի որ մեքենան ընթացել է ոչ մեծ արագությամբ:

Նախնական տեղեկատվության համաձայն` վարորդը ձերբակալվել է դեպքի վայրում: Նա ծագումով Իտալիայից է: Նրա գործողությունների դրդապատճառն ամենայն հավանականությամբ բողոքն է ընդդեմ կառավարության մշակութային քաղաքականության:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել